23
январь
2024
"САПАЛЫ БІЛІМ" ЖОБАСЫ АЯСЫНДА
Шымкент қаласы білім басқармасына қарасты №79 жалпы орта білім беретін мектебінде 2024 жылдың 18 қаңтар күні “Сапалы білім” аясында 3 «A» сынып оқушыларымен бастауыш сынып мұғалімі Саржанова Райхан Менлибаевна қазақ тілі сабағында «Негізгі және туынды зат есім» тақырыбында ашық сабақ өтті.
Сабақтың негізгі мақсаты: 
мәтіннің тақырыбы мен берілген суреттер, фото, диаграмма бойынша мәтіннің мазмұнын болжаумұғалімнің көмегімен ұқсас тақырыпта берілген мәтін түрлерін, стилін , жанрын салыстырып, ұқсастықтары мен айырмашылықтарын табунегізгі, туынды зат есім/сын есім/етістікті анықтау Педагог Саржанова Райхан Менлибаевна жаңа тақырыпты оқушыларға түрлі әдіс-тәсілдерімен түсіндірді. Сабақ барысында оқушылар топқа бірігіп, түрлі жұмыстар жасады.
«Гүл өсіру» әдісі арқылы өткен тақырыпты қайталап, тақтамен жұмыс, «Құстарға қамқорлық» әдісі арқылы топтық жұмыс , «Көркем жазайық» әдісі арқылы жеке жұмыс, «Балық жинау» әдісі арқылы оқушыларды жеке бағалау, "Аквариум" әдісімен кері байланыс, «Лайк, капитан» атты психологиялық жаттығулар т.б. жұмыстар ұйымдастырды. Балалар сабаққа белсенді қатысты. Сабақ жоспарға сәйкес өз деңгейінде өтті.
