ХАБАРЛАНДЫРУ!

Шымкент қаласы білім басқармасына қарасты N79 жалпы орта білім беретін мектебі 1-сәуірден бірінші сыныпқа оқушыларды қабылдауды бастады! 

Мектебіміздің білікті де білімді бастауыш сынып мұғалімдері:

Каскаева Айнур Жадигеровна

Абишева Маржан Абилдаевна 

Кубекова Баян Жанабаевна

Нахаева Айгүл Пердеқызы 

Есенова Айдана Ерланқызы

Тұраш Жазира сынды ұстаздарымыз оқушыларды білімге, өнерге жетелеп сапалы білім саналы тәрбие беруді жүзеге асырады. 

Мектебімізде қосымша білім берумен қатар өнер, спорт үйірмелер жұмыс жасайды. 

79 жалпы орта білім беретін мектебі Сіздерді құшақ жая қарсы алады!

АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ

Шымкент қаласы білім басқармасына қарасты №79 жалпы орта білім беретін мектебінде 2024 жылдың 06 наурыз күні  10-11 сыныптардың ата – аналарына арналған семинар сабақ өтті. 

Семинар сабақты директордың  тәрбие ісі жөніндегі орынбасары, география бірлестігінің мұғалімі Маркабаева Камар Маркабаевна  ұйымдастырды. 

Ата-аналарды жоғары сынып оқушыларының өз өмірін өз бетінше құруға деген ұмтылысын қолдауға, дағдыларын қалыптастыруға және дамытуға ынталандыру, жоғары сынып оқушыларының жас ерекшеліктерімен таныстыру, бірлескен іс-әрекет дағдыларын дамыту және баланың дербестігіне қатысты өзіндік мінез-құлық бағытын талдау аясында дағдыландыру басты мақсаты болды.

«Боламын деген баланың бетін қақпа, белін бу» тақырыбында ұйымдастырылған семинарда ата-аналарға:

* Тұлға адамгершілік құндылықтар негізінде өзін-өзі дамытудың нәтижесі ретінде;

* Көркем мінез – баға жетпес байлық;

* Эмоционалды интеллект – табысты тұлғаның негізі;

* Сен жанбасаң лапылдап...   

* Балаға өз бейімділігін табуға қалай көмектесуге болады?

* Құмарлыққа бой алдыру – тәуелділік құрдымы . 

* Жоғары сынып оқушыларының дамуындағы тәуекел аймақтары секілді сұрақтарға жауаптар алынды.

Мақсаты: ата-аналардың рефлексия және балалардың тәуелсіздігін қолдау дағдыларын дамыту, ата-аналардың эмоционалды құзыреттілігін, өзіндік сана-сезім, өзін-өзі реттеу, эмпатия және қарым-қатынасты реттеу дағдыларын дамыту, ата-аналардың жасөспірімнің талаптары мен қалауы арасындағы тепе-теңдікті ұстау қабілетін дамыту, ата-аналар мен балалар арасындағы жағымды қарым-қатынас дағдыларын дамыту, ата-аналардың өз баласының қауіпсіздігін қамтамасыз ету қабілетін қалыптастыру, тәуелділік мінез-құлық қаупінің алдын алу жолдарын түсіндіру болып табылады.

АТА-АНАЛАРҒА АРНАЛҒАН ЖАДЫНАМА

«Бала зорлық-зомбылықтың құрбаны болмауы үшін не істеуі керек?»

Балаға ересек адамадардан қауіп төнген жағдайда «ЖОҚ» деп айтуды үйретіңіз.

Егер оны біреу ұстауға әрекет етсе, балаға «Бұл менің әкем емес (анам емес)» деп даусын шығарып айқайлауды үйретіңіз. Бұл айналасындағылардың назарын аудартады және қылмыскерді қаймықтырады. 

Балаға қайда баратынын, қай бағытпен, қай уақытта қайтатынын, кіммен болатынын хабарлап отыруды, егерде жоспары өзгеріп жатса қоңырау шалу қажет екенін үйретіңіз. 

Баланы балабақшадан және мектептен өзіңіз алуға тырысыңыз. Егер басқа біреу алатын болса, алдын ала ескертіңіз. 

Балаға құпия сөз ойлап табыңыз. Бұл құпия сөз балаға білмеген бөтен адамдармен бірге кетпеуі немесе бөтен көлікке отырмауы үшін керек. 

Балаға жалғыз жүргеннен гөрі достарымен бірге қыдыру қауіпсіз екенін жеткізіңіз. Жалғыз қыдырған бала қылмыскердің назарын өзіне аудартады.

Баланы жылына бір рет фотосуретке түсіріңіз. Тым болмағанда сізде жаңа фотосуреті болады. 

Балалардың интернетте еркін отыруына жол бермеңіз. Баланың әлеуметтік желідегі өміріне белсене атсалысыңыз.

Балаға интернет желісіндегі қауіпсіздік туралы ескертіңіз. Егер бала басқа интернет қолданушы тарапынан келеңсіздікке немесе зорлық-зомбылыққа тап болған жағдайда, оған дереу жақын адамдарына хабарлау керектігін түсіндіріңіз. 

Бала барлық жағдайды айтып жеткізе алатын ата-ананың қатырынан болыңыз. Бала әрқашан оны жақсы көретініне, егер ол жоғалып кетсе немесе ұрланса, оны іздеу тоқтамайтынына сенімді болуы керек. 

Шымкент қаласының полиция департаменті

П

ПСИХОЛОГИЯ ОНКҮНДІГІ

Шымкент қаласы білім басқармасына қарасты аясында  №79 жалпы орта білім беретін мектебінде 2024 жылдың 20 ақпан күні «Психология онкүндігінің» аясында оқушылардың ата-аналарымен жүргізілген  «Ата-ана мен бала қарым-қатынасы. Мені түсін» тақырыбындағы тренинг сабақ өтті.

Тренинг сабақты өткізудегі негізгі мақсат- ата –ана мен баланың арасындағы қарым –қатынас дағдыларын қалыптастыру болып табылады.

Тренинг барысында «Ассоцация», «Қызықты сұрақтар», «Эмоция» (шармен) ойындарымен қатар ойтолғау барысында «Қарым-қатынас дегеніміз не?» және «Тілек шоғы» әдістері қолданылды.

Қорыта айтқанда, Ұлы Абай атамыз 38 –қара сөзінде: «Қашан баланың ғылым білімге махаббаты оянғанда ол адам бола бастайды. Оның адам болғанына 3 түрлі нәрсе себеп болады. Бірінші - жақсы ата-ана, екінші - жақсы ұстаз, үшінші - жақсы құрбы–құрдас», - деген екен. Сондықтан да балаларымызбен үнемі жақсы қатынаста болайық.

Шымкент қаласы білім басқармасына қарасты  №79 жалпы орта білім беретін мектебінде 2024 жылдың 2 ақпан  күні  8-9 сыныптардың ата – аналарына арналған семинар сабақты директордың тәрбие ісі-жөніндегі орынбасары, география бірлестігінің мұғалімі М.К.Маркабаевна ұйымдастырды.  Балаға жағымды қарым-қатынастарды қолдауды, жағымсыз қатынастарға қарсы тұруды үйрету, ата-аналарға қарым-қатынас түрлері туралы түсінік беру (достық, жасөспірімдер субмәдениетіндегі мінез-құлық, буллинг және т.б.), ата-аналардың оң қарым-қатынасты қолдап, жағымсыз қарым-қатынасты жеңу дағдыларын игеруіне ықпал ету, Ата-аналарға  отбасылық құндылықтарды сақтаудың маңыздылығын түсіндіру, отбасында жағымды психологиялық ахуал орнатуда отбасылық құндылықтардың әлеуетін ашу, ата-аналардың отбасында және баламен қарым-қатынаста әлеуметтік қолдау дағдыларын игеруіне ықпал ету.                                                     Тақырыбы:Жасөспірімдермен қарым-қатынас құпиялары. Жасөспірім мінезінің ерекшеліктері. Отбасы құндылығы - сарқылмас қазына. Құндылықтар - отбасы бақытының негізі.

 Оқу-ағарту министрлігі ата-аналардың өтініші бойынша білім беру ұйымдарына қабылдау қағидаларына өзгерістер енгізді.  

 Егер бұрын бірінші сыныпқа қабылдау мерзімі сәуірдің 1-нен  тамыздың 1-не дейін жүзеге асырылса, енді баланың ата-анасынан немесе өзге де заңды өкілдерінен бірінші сыныпқа құжаттарды қабылдау күнтізбелік ағымдағы жылдың сәуірдің 1-і мен тамыздың 31-і аралығында өтеді.  

 Тек демалыс кезінде ғана мектептен мектепке ауысуға шектеу алынды. Осылайша, жаңа ережелерге сәйкес, балаларды тұрғылықты жері бойынша оқу жылы ішінде мектептен мектепке ауыстыру мүмкіндігі бар. 

 Техникалық және кәсіптік білім беру ұйымдарына қабылдау кезеңі  тамыздың 25-і  аяқталуына байланысты білім алушылардың өтініштерін оныншы сыныпқа қабылдау мерзімі тамыздың 15-нен тамыздың 31-не өзгертілді. Колледжге қабылданбаған білім алушылар мектептің 10-11 сыныптарында  оқуын кедергісіз жалғастыра алады.

Шымкент қаласы білім басқармасына қарасты №79 жалпы орта білім беретін мектебінде 2024 жылдың 31 қаңтар күні  8-9 сыныптардың ата – аналарына арналған семинар сабақты  директордың тәрбие ісі-жөніндегі орынбасары, география бірлестігінің мұғалімі М.К.Маркабаевна  ұйымдастырды.

балалардың дамуындағы шығармашылықтың маңызы туралы ата-аналардың идеяларын кеңейту және тереңдету; 

отбасы жағдайында баланың шығармашылық әлеуетін толық дамыту үшін ата-аналардың назарын балалар шығармашылығына аудару;

ата-аналардың отбасында баланың шығармашылық қабілетін ұлттық ойындар негізінде дамыту дағдыларын жетілдіру болып табылады.

Тақырыбы: "Бұлақ көрсең, көзін аш", "Шығармашыл тұлғаны тәрбиелейміз" "«Ақпараттан ақ-қараны ажырату өнері", «Әр нарсеннің өлшемі бар...»

«Қажет» пен «қалау» арасындағы тепе-теңдікті қалай сақтауға болады.

Мақсаты: ата-аналардың баланың шығармашылық қабілеттерін дамыту дағдыларын қалыптастыру, интернет ресурстарын қауіпсіз пайдалану мәселесі бойынша ата-аналардың білімін арттыру, ата-аналардың жасөспірімнің талаптары мен қалауы арасындағы тепе-теңдікті ұстау қабілетін дамыту, ата-аналар мен балалар арасындағы жағымды қарым-қатынас дағдыларын дамыту.

Ата- аналарға өсіп келе жатқан баланың өміріндегі дағдарыс жасы және осы кезеңдегі мәселелерді шешудің кілтін қалай табуға болатындығы туралы ақпараттар беріліп, топтық жұмыстар орындалды. 

 Директордың тәрбие ісі-жөніндегі орынбасары, география бірлестігінің мұғалімі М.К.Маркабаевна «Біртұтас тәрбие бағдарламасының» жалпы адамзаттық және ұлттық құндылықтарды бойына сіңірген еңбекқор, адал, саналы, жасампаз азаматты тәрбиелеу мақсатын айтып, «Ұлттық мүдде»,«Ар-ұят», «Талап» құндылықтарына тоқталды.

Зорлық-зомбылық тәрбиесіздіктен де туындайды. «Тәрбиесіздік - ол адамзаттың қас жауы, тәрбиесіз берілген білім келешекте адам өміріне апат әкеледі» деп ұлы бабамыз Әбу Насыр Әл-Фараби айтып өткендей, балалар құқығын қорғау -Егемен еліміздің асыл құндылықтарының бірі. Сол үшін өскелең ұрпақтың дұрыс тәрбие алып, қоғамдағы құқықтарының сақталу жолында аянбай еңбек етуі керек. Балаларға қамқорлық жасау, баланың абыройы мен құқықтарын құрметтеу - бұл тек мемлекеттің ғана емес, сонымен қатар жекелеген әрбір адамның міндеті болып табылады.

Семинар сабақты өткізудегі басты міндет: 

- ата-аналардың жас дағдарысы кезеңінде баламен өзара түсіністікке қол жеткізуге деген ұмтылысын дамыту;

 - ата-аналардың адам дамуындағы жас кезеңдерінің мәдени бастаулары туралы, жасөспірімдер дағдарысы кезеңінің экологиялық өмір сүру ерекшеліктері туралы түсініктерін кеңейту және тереңдету;

- ата-аналардың сындарлы келіссөздер жүргізу, жанжалдарды шешу, реніштерді кешіру дағдыларын қалыптастыру болып табылады. 

Оқытудың жаңа шарттары: бала қалай бейімделеді. Ата-аналар балаларының жаңа жағдайға бейімделу ерекшеліктері жайлы, бейімделу кезеңінде балаларда физиологиялық және эмоционалдық, психологиялық өзгерістер болатыны туралы өз ойларымен бөлісті. Ата-аналар сабақ барысында балаларына қолайлы жағдай жасау үшін қандай қадамдарға бару керектігі туралы сауалнамалар толтыра отырып, балаға жан - жақты қолдау көрсету үшін баламен тіл табыса білу керектігі жайлы түсінді. Балаларының жеке қасиеттері жайлы көзқарастарын қағаз бетіне түсіріп, бір-бірімен пікір алмасты. Өз пікірлерінде мектеп және ұстаздар жайлы да сөз қозғады. Дәріс барысында көрсетілген ата-ананың міндеті, отбасының ынтымақтастығы, бала тәрбиесіндегі ата-ананың жауапкершілігі туралы өз ойларын ортаға салды. Сабақ мақсаты баланың жасы мен жеке басының ерекшелігін ескере отырып, балаға ақыл айтпай, жол көрсетудің маңызды екенін, мектеп және ата-ана болып бірігіп, балаға дұрыс тәлім - тәрбие беру,бірігіп күш жұмсаудың арқасында балаларымызды жан-жақты тәрбиелей аламыз деген қорытынды жасалды.