ҚҰТТЫҚТАЙМЫЗ!

Bilim-orkenieti ұлттық инновациялық ғылыми-зерттеу орталығының бастамасымен мемлекет басшысы Қасым Жомарт Кемелұлының "Тәуелсіздік бәрінен қымбат" атты бағдарламалық мақаласын, білім беру саласында білім алушылардың арасында кеңінен насихаттау мақсатында өткізілген республикалық эссе жазу байқауында "Қазақстан дарыны" номинациясы бойынша  І-дәрежелі диплом және төсбелгімен марапатталған 4 Г сынып оқушысы Насыр Әмір Ерболұлын, жетекшісі Нахаева Айгүл Пердеқызын құттықтаймыз!!!! 

Мектебіміздің дарынды оқушысы Әмірге жоғары биіктерді бағындыруды тілейміз!!!

ҚҰРМЕТТІ ҰСТАЗДАР!!!

ҚЫМБАТТЫ АТА-АНАЛАР!!!   

 Мемлекет басшысы  Қасым-Жомарт Кемелұлы Тоқаев елімізде су тасқынынан орын алған ауыр жағдайға байланысты үндеуін жариялады.     

Еліміздің 10 өңіріндегі орын алып отырған төтенше жағдай – бәріміз үшін сын сағат.

Барша ұстаздар қауымы мен ата-аналарды Мемлекет басшысының халыққа үндеуін қолдауға шақырамын.

Президент «Осындай қиын-қыстау кезде бір жағадан бас, бір жеңнен қол шығару айрықша маңызды. Бір ел, бір халық болып жұмылып, бұл апатты еңсереміз. Бұл біздің қолымыздан келеді»- деп бәрімізге зор сенімін білдіргені әрқайсымыздың жүрегімізге жол тапты деп ойлаймын.

Қазір Үкімет, мемлекет су басудың салдарын жоюға бар күшін салуда. Президент зардап шеккен бірде-бір азаматтың назардан тыс қалмайтынын қадап айтты.

Елге басу айту, сабырға шақыру, мейірім көрсету, қолдан келгенше көмекке бару ұстазға тән ұлы қасиеттер!

Осы сын сәтте ұздардарымыз ел бірлігінің ұйытқысы болғаны абзал.         

Әр қазақстандық азамат ел басына түскен сын сағатта өз үлесін қолынан келгенше қосқанымыз абзал. Оның ішінде үй-жайынан, мал-мүлкінен шығынға ұшырап,  қиналып отырған отандастарымызға ұстаздар қауымының бірлік пен ынтымақты ту етер, сабырлыққа шақыратын, «Біз сіздермен біргеміз!» деген қолдауын, үнін білдіру арқылы моральдық тұрғыдан сүйеу болуға шақырамыз. 

Адамзат баласының артықшылығы да осы – біртұтас жұдырықтай жұмылған күшке біріккен мейірімінде! Сондықтан ақпарат таратуда болсын, қандай да бір көңілге тиер ауыр сөз айтпай, «болған іске болаттай берік», ерік-жігері мықты, бірлік пен ынтымағы, мейірім мен парасаты жоғары ел ретінде осындай қиын сәттерде  жұмыла білейік!.

ХАБАРЛАНДЫРУ!

Шымкент қаласы білім басқармасына қарасты N79 жалпы орта білім беретін мектебі 1-сәуірден бірінші сыныпқа оқушыларды қабылдауды бастады! 

Мектебіміздің білікті де білімді бастауыш сынып мұғалімдері:

Каскаева Айнур Жадигеровна

Абишева Маржан Абилдаевна 

Кубекова Баян Жанабаевна

Нахаева Айгүл Пердеқызы 

Есенова Айдана Ерланқызы

Тұраш Жазира сынды ұстаздарымыз оқушыларды білімге, өнерге жетелеп сапалы білім саналы тәрбие беруді жүзеге асырады. 

Мектебімізде қосымша білім берумен қатар өнер, спорт үйірмелер жұмыс жасайды. 

79 жалпы орта білім беретін мектебі Сіздерді құшақ жая қарсы алады!

АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ

Шымкент қаласы білім басқармасына қарасты №79 жалпы орта білім беретін мектебінде 2024 жылдың 06 наурыз күні  10-11 сыныптардың ата – аналарына арналған семинар сабақ өтті. 

Семинар сабақты директордың  тәрбие ісі жөніндегі орынбасары, география бірлестігінің мұғалімі Маркабаева Камар Маркабаевна  ұйымдастырды. 

Ата-аналарды жоғары сынып оқушыларының өз өмірін өз бетінше құруға деген ұмтылысын қолдауға, дағдыларын қалыптастыруға және дамытуға ынталандыру, жоғары сынып оқушыларының жас ерекшеліктерімен таныстыру, бірлескен іс-әрекет дағдыларын дамыту және баланың дербестігіне қатысты өзіндік мінез-құлық бағытын талдау аясында дағдыландыру басты мақсаты болды.

«Боламын деген баланың бетін қақпа, белін бу» тақырыбында ұйымдастырылған семинарда ата-аналарға:

* Тұлға адамгершілік құндылықтар негізінде өзін-өзі дамытудың нәтижесі ретінде;

* Көркем мінез – баға жетпес байлық;

* Эмоционалды интеллект – табысты тұлғаның негізі;

* Сен жанбасаң лапылдап...   

* Балаға өз бейімділігін табуға қалай көмектесуге болады?

* Құмарлыққа бой алдыру – тәуелділік құрдымы . 

* Жоғары сынып оқушыларының дамуындағы тәуекел аймақтары секілді сұрақтарға жауаптар алынды.

Мақсаты: ата-аналардың рефлексия және балалардың тәуелсіздігін қолдау дағдыларын дамыту, ата-аналардың эмоционалды құзыреттілігін, өзіндік сана-сезім, өзін-өзі реттеу, эмпатия және қарым-қатынасты реттеу дағдыларын дамыту, ата-аналардың жасөспірімнің талаптары мен қалауы арасындағы тепе-теңдікті ұстау қабілетін дамыту, ата-аналар мен балалар арасындағы жағымды қарым-қатынас дағдыларын дамыту, ата-аналардың өз баласының қауіпсіздігін қамтамасыз ету қабілетін қалыптастыру, тәуелділік мінез-құлық қаупінің алдын алу жолдарын түсіндіру болып табылады.

Сіздерді көгілдір көктемнің осы бір ең жарқын шуақты мерекесі «8 - Наурыз - Халықаралық әйелдер күні» мерекесімен шын жүректен құттықтаймын!

Әйелдер, Сіздер – адамзаттың ең бір асыл перзенттері ғана емессіздер, сонымен бірге табиғат бойларыңызға ақыл мен төзім, іскерлік те дарытқан абзал да ізгі жансыздар!

Ана қуанышы, әйел қуанышы – әр үйдің, отбасының, Отанның мерейі. 

Осы орайда, баршаңызға мол бақыт, істеріңіздің сәтті болуын, қазақ еліндегі бейбіт пен тыныш өмірдің шырқы бұзылмауын, келген қиындықты абыроймен еңсере біліп, жүректеріңізге жылулық пен сенімділік ұялап ерекше құрметке бөленіп ғұмырлы болуларыңызды тілектеспін!

Әр шаңырақтың ырысы ортаймасын, өсіріп отырған ұрпақтарыңыз бен жақын - жұрағаттарыңыздың барлығы да аман - сау, денсаулықтары мықты болып, Сіздердің әрқайсыңыздың жан - жүректеріңізден ертеңгі күнге деген сенім мәңгілік айнымасын!

Құрметпен, №79 ЖОББМ директоры  Ж.А.Кулбекова

АТА-АНАЛАРҒА АРНАЛҒАН ЖАДЫНАМА

«Бала зорлық-зомбылықтың құрбаны болмауы үшін не істеуі керек?»

Балаға ересек адамадардан қауіп төнген жағдайда «ЖОҚ» деп айтуды үйретіңіз.

Егер оны біреу ұстауға әрекет етсе, балаға «Бұл менің әкем емес (анам емес)» деп даусын шығарып айқайлауды үйретіңіз. Бұл айналасындағылардың назарын аудартады және қылмыскерді қаймықтырады. 

Балаға қайда баратынын, қай бағытпен, қай уақытта қайтатынын, кіммен болатынын хабарлап отыруды, егерде жоспары өзгеріп жатса қоңырау шалу қажет екенін үйретіңіз. 

Баланы балабақшадан және мектептен өзіңіз алуға тырысыңыз. Егер басқа біреу алатын болса, алдын ала ескертіңіз. 

Балаға құпия сөз ойлап табыңыз. Бұл құпия сөз балаға білмеген бөтен адамдармен бірге кетпеуі немесе бөтен көлікке отырмауы үшін керек. 

Балаға жалғыз жүргеннен гөрі достарымен бірге қыдыру қауіпсіз екенін жеткізіңіз. Жалғыз қыдырған бала қылмыскердің назарын өзіне аудартады.

Баланы жылына бір рет фотосуретке түсіріңіз. Тым болмағанда сізде жаңа фотосуреті болады. 

Балалардың интернетте еркін отыруына жол бермеңіз. Баланың әлеуметтік желідегі өміріне белсене атсалысыңыз.

Балаға интернет желісіндегі қауіпсіздік туралы ескертіңіз. Егер бала басқа интернет қолданушы тарапынан келеңсіздікке немесе зорлық-зомбылыққа тап болған жағдайда, оған дереу жақын адамдарына хабарлау керектігін түсіндіріңіз. 

Бала барлық жағдайды айтып жеткізе алатын ата-ананың қатырынан болыңыз. Бала әрқашан оны жақсы көретініне, егер ол жоғалып кетсе немесе ұрланса, оны іздеу тоқтамайтынына сенімді болуы керек. 

Шымкент қаласының полиция департаменті

П

ПСИХОЛОГИЯ ОНКҮНДІГІ

Шымкент қаласы білім басқармасына қарасты аясында  №79 жалпы орта білім беретін мектебінде 2024 жылдың 20 ақпан күні «Психология онкүндігінің» аясында оқушылардың ата-аналарымен жүргізілген  «Ата-ана мен бала қарым-қатынасы. Мені түсін» тақырыбындағы тренинг сабақ өтті.

Тренинг сабақты өткізудегі негізгі мақсат- ата –ана мен баланың арасындағы қарым –қатынас дағдыларын қалыптастыру болып табылады.

Тренинг барысында «Ассоцация», «Қызықты сұрақтар», «Эмоция» (шармен) ойындарымен қатар ойтолғау барысында «Қарым-қатынас дегеніміз не?» және «Тілек шоғы» әдістері қолданылды.

Қорыта айтқанда, Ұлы Абай атамыз 38 –қара сөзінде: «Қашан баланың ғылым білімге махаббаты оянғанда ол адам бола бастайды. Оның адам болғанына 3 түрлі нәрсе себеп болады. Бірінші - жақсы ата-ана, екінші - жақсы ұстаз, үшінші - жақсы құрбы–құрдас», - деген екен. Сондықтан да балаларымызбен үнемі жақсы қатынаста болайық.

Шымкент қаласының білім басқармасы Әдістемелік орталығының 2024 жылғы жұмыс жоспарына сәйкес 79 жалпы орта білім беретін мектебінде ағымдағы жылдың  31 қаңтар күні директордың оқу- әдістемелік жұмысының орынбасары Дүйсебай Мадина Бағысбайқызы  TALIS-2024 зерттеуінің  негізгі кезеңінің ерекшеліктерін түсіндіру мақсатында мектеп мұғалімдеріне түсіндіру семинарын өткізді.

Семинарда белсенді жұмыстар  жүріп, мектеп координаторы Мадина Бағысбайқызы  мұғалімдерге  "TALIS -2024" зерттеуін  мұғалімдердің сұрақтары на  жауап бере отырып түсіндіру жұмыстарын жүргізді.

Семинар өз дәрежесінде өтті, бұл жұмыстар өз жалғасын табады.

Шымкент қаласы білім басқармасына қарасты  №79 жалпы орта білім беретін мектебінде 2024 жылдың 2 ақпан  күні  8-9 сыныптардың ата – аналарына арналған семинар сабақты директордың тәрбие ісі-жөніндегі орынбасары, география бірлестігінің мұғалімі М.К.Маркабаевна ұйымдастырды.  Балаға жағымды қарым-қатынастарды қолдауды, жағымсыз қатынастарға қарсы тұруды үйрету, ата-аналарға қарым-қатынас түрлері туралы түсінік беру (достық, жасөспірімдер субмәдениетіндегі мінез-құлық, буллинг және т.б.), ата-аналардың оң қарым-қатынасты қолдап, жағымсыз қарым-қатынасты жеңу дағдыларын игеруіне ықпал ету, Ата-аналарға  отбасылық құндылықтарды сақтаудың маңыздылығын түсіндіру, отбасында жағымды психологиялық ахуал орнатуда отбасылық құндылықтардың әлеуетін ашу, ата-аналардың отбасында және баламен қарым-қатынаста әлеуметтік қолдау дағдыларын игеруіне ықпал ету.                                                     Тақырыбы:Жасөспірімдермен қарым-қатынас құпиялары. Жасөспірім мінезінің ерекшеліктері. Отбасы құндылығы - сарқылмас қазына. Құндылықтар - отбасы бақытының негізі.

 Оқу-ағарту министрлігі ата-аналардың өтініші бойынша білім беру ұйымдарына қабылдау қағидаларына өзгерістер енгізді.  

 Егер бұрын бірінші сыныпқа қабылдау мерзімі сәуірдің 1-нен  тамыздың 1-не дейін жүзеге асырылса, енді баланың ата-анасынан немесе өзге де заңды өкілдерінен бірінші сыныпқа құжаттарды қабылдау күнтізбелік ағымдағы жылдың сәуірдің 1-і мен тамыздың 31-і аралығында өтеді.  

 Тек демалыс кезінде ғана мектептен мектепке ауысуға шектеу алынды. Осылайша, жаңа ережелерге сәйкес, балаларды тұрғылықты жері бойынша оқу жылы ішінде мектептен мектепке ауыстыру мүмкіндігі бар. 

 Техникалық және кәсіптік білім беру ұйымдарына қабылдау кезеңі  тамыздың 25-і  аяқталуына байланысты білім алушылардың өтініштерін оныншы сыныпқа қабылдау мерзімі тамыздың 15-нен тамыздың 31-не өзгертілді. Колледжге қабылданбаған білім алушылар мектептің 10-11 сыныптарында  оқуын кедергісіз жалғастыра алады.