20
февраль
2024
«ЖЕТКІНШЕКТІҢ ЖЕТІ ЖАРҒЫСЫ» ЖОБАСЫ
«ЖЕТКІНШЕКТІҢ ЖЕТІ ЖАРҒЫСЫ» ЖОБАСЫ
Шымкент қаласы білім басқармасына қарасты №79 жалпы орта білім беретін мектебінде 2024 жылдың 16 ақпан күні 8-11 сыныптың оқушы қыздарға арналған жиналыс өтті.
Жиналысты директордың тәрбие ісі жөніндегі орынбасарлары К.Маркабаева мен Ұ.Ниятова, педагог - психологтар М.Момынова мен Л.Уалхановалар «Қыз баланың адамгершілік қасиеттері», «Ерте жүктіліктің алдын алу» атты қыздар жиналысы талапқа сай өткізілді.
Жиналысқа ЖШС «OTAU MED» клиникасының қызметкерлері: әлеуметтік қызметкер маманы А.Ж.Бекетанова, психологтар А.А.Нұрымбетова, Б.К.Батырбекова секілді мамандар өз тараптарынан кеңестер берді. 
«Ерте жүктіліктен қалай сақтануға болады? Ерте жүктілік немен қауіпті?, - деген сауал төңірегінде ой қозғап, 8-11 сынып қыздарымен пікір алмасты. Жасанды түсік - болашақта бала сүю мүмкіндігін төмендететіні, яғни бедеулікке апарып соқтыратыны, жасанды түсік жасататын қыздардың 30 пайызы онкологиялық, гинекологиялық ауруларға шалдығатыны туралы кеңестер айтылып өтті.
Мектебіміздің педагог-психологтері М.Момынова мен Л.Уалхановалар сөз алып, қыз балаларда өтпелі жас кезеңі басталып, гормондық қайта құрылу жүретіндігі, көптеген отбасында әңгіме қозғалмай, жабық күйде қалатындығы ескертілді. Қоғамның дамуы мен мемлекеттің өркендеуі - келешек аналар қолында, қыз баланың тәрбиесіне де байланысты заманда ұяңдылық қашанда қыз баласына тән басты қасиет екендігі тілге тиек етілді.
Қыздарға арналған жиналысты өткізудегі негізгі мақсат - жас ұрпаққа халқымыздың әдет-ғұрпын, адамгершілік, инабаттылық, адами қасиеттерін сіңіру, жастардың адам тәрбиесі мен қоғам тәрбиесіне байланысты көзқарастарын дұрыс қалыптастыра отырып, болашақта ұрпақ қамын, ұлт тағдырын ойлайтын қоғамның мүшесі болуларына жағдай жасау болып табылады. Сонымен қатар, жасөспірімдердің салауатты өмір салтына, отбасының амандығы мен бақытына деген құнды қарым-қатынасын қалыптастыруға ықпал ету көзделді.
