29
ноябрь
2023
"ҰРПАҚҚА АМАНАТ" ЖОБАСЫ
Шымкент қаласы білім басқармасына қарасты №79 жалпы орта білім беретін мектебінде «Біртұтас тәрбие бағдарламасын» негізге ала отырып, Ата-аналарды педагогикалық қолдау орталығының Жеңгелер клубының қатысуымен "Сырғалым - сырласым" тақырыбында тағлымы мен танымы мол іс-шара өтті. Іс-шара барысында асыл жеңгелер қыздарымызға шаш күтімі жайлы, дастархан жаюдың және қонақ күтудің қыр-сырымен қатар, дастархан басындағы этикет туралы айтып түсіндірді. Оқушы қыздарға жеңгелері майлықтарды қалай сәндеп қоюды және жеміс-жидектерді әдемілеп кесіп, ыдысқа дұрыс салу жолдарын көрсетті. Қыздар да жеңгелерімен бірге жасап көріп, үйреніп алды.
Мақсаты: жеңге мен қайың сіңілі арасындағы өзара сыйластықты, бір-біріне деген сүйіспеншілікті нығайтып, ана мен бала, жеңге мен қыз арасындағы тәрбиені одан әрі дамыту, адамгершілік қасиеттерін, тілін, қазақи салт-дәстүрді құрметтей білуге, ұлттық салт-дәстүрді қадірлеуге, туыстық қатынас, соның ішінде жеңгесінің алар орны мен рольін ұғынуға тәрбиелеу.
