12
декабрь
2023
"ЗОРЛЫҚ-ЗОМБЫЛЫҚҚА ҚАРСЫ 16 КҮН БЕЛСЕНДІЛІК» АКЦИЯСЫ
Шымкент қаласы №79 жалпы орта білім беретін мектепте 8 "Б" сынып оқушыларымен "Мен зорлық-зомбылыққа қарсымын" тақырыбында психологиялық-профилактикалық тренинг жүргізілді.
Тренинг жүрзізудегі негізгі мақсат - білім алушыларға зорлық - зомбылық туралы қысқаша ақпарат беріліп, адамның ең жаман қасиеттерінің бірі екені түсіндірілді.
Қоғам үшін ең бастысы – Тәуелсіздік, адам үшін бас бостандығы және уайым қайғысыз өмір. Оның кепілі – заңдылық. Салауатты өмір сүрудің бір негізгі күрделі мәселесі – жаман қылықтардан, яғни зорлық-зомбылықтан аулақ болу.
Адамның және адамзаттың құқықтары мен бас бостандықтарын қамтамасыз ету және қорғау – Конституциялық заңдылықтың басты талабы.
Қазақстанда салауатты өмір салтына қол жеткізуде, денсаулықты сақтау мен нығайтудағы басты міндеттің бірі – бала құқығын қорғау, зорлық-зомбылыққа қарсы күрес жүргізу.
Жалпы айтқанда зомбылықты физикалық қасірет көрсету әрекеті деп анықтауы болса, онда тұрмыстық зомбылықта осы әрекеттің бастауы мен айқындау нүктесі анық белгіленеді. Ол – жанұя, яғни зұлымдық пен оның жемтігі ең жақын адамдар болады. Олар – жұбайлар мен балалар.
Балалар құқығын қорғау – Егемен еліміздің басты құндылықтарының бірі. Сол үшін өскелең ұрпақтың дұрыс тәрбие алып, қоғамдағы құқықтарының сақталу жолында аянбай еңбек етуі керек.
«Балалардың өмір сапасын жақсарту - ертеңгі болашақтың кепілі. Сондықтан да балалардың құқықтарын қорғау мәселесі қашан да өзекті болып қала бермек.