15
декабрь
2023
«САПАЛЫ БІЛІМ» ЖОБАСЫ АЯСЫНДАҒЫ ҰЛТТЫҚ ОЙЫНДАР
Шымкент қаласы Білім басқармасына қарасты №79 жалпы орта білім беретін мектебінің «Дене шынықтыру» әдістемелік бірлестігінің мұғалімі педагог Сейтбекұлы Жандарбек күнтізбелік жоспар бойынша 5 сыныпқа кезекті сабақ өткізді.
Сабақтың тақырыбы: «Қазақтың ұлттық ойындары: асық ату және бес асық ойыны.
Ұлттық ойындар – ерте заманнан қалыптасқан дәстүрлі ойын-сауықтардың бір түрі. Оның бастауы тым тереңде, ғасырлар қойнауында жатыр. Осы ойындар негізінде әр халық әртүрлі жаттығулар жасау жолымен дене-шынықтыру ісінің негізін салды. Бұл бертін келе шынайы спорт ойындарының шығуына түрткі болды. Оның адам денсаулығын жақсарта түсуде пайдасы зор екені белгілі. Қазақтың ұлттық ойындары – бабаларымыздан қалған асыл қазына. Сондықтан халықтық мұраны үйренудің әрі күнделікті тұрмысқа пайдаланудың заманымызға сай ұрпақ тәрбиелеуде орасан пайдасы тимек. Ойын әр баланың алдынан өмірдің жарқын сәттерін ашып, жеке қасиеттерімен біте қайнасып, әрі қарай дамуымен ұштасады.