"БІРТҰТАС ТӘРБИЕ" ЖОБАСЫ АЯСЫНДА

Ертегілерді ықылым заманнан бері тәрбие құралы ретінде қазақ халқы ғана емес, барлық ұлт, бүкіл ел қолданып келеді. Ал ертегіні балаға оқудың пайдасын айтар болсақ: ол бала мен ата-ана арасындағы «арақашықтықты» жақындатады, бала мен ата-ананың бір-біріне деген байланысын бекітуге мүмкіндік береді, баланың рухани жан дүниесін байытады, сонымен қатар еңбексүйгіштік, адамгершілік қасиеттеріне тәрбиелейді.

Осы тұрғыда, Коммунальное білім басқармасына қарасты №79 жалпы орта білім беретін мектеп кітапханашылары Эльмира Амангельдиевна мен Маржан Мануарқызының ұйымдастыруымен  3 «Д»  сынып оқушылары сынып жетекшісі Д.Сейтаевамен бірге «Мен оқыған бір ертегі» тақырыбында сыныптан тыс сағаты өтті.

 Іс-шара барысында оқушылар өздері оқыған ертегілері жайлы баяндап, кітапханана активтері дайындаған ағартушы педагог Ы.Алтынсариннің «Бір уыс мақта» мысалы желісінде қойылған көріністі тамашалады. Ертегі кейіпкерлерін жағымды және жағымсыз топтарға бөліп, сол арқылы жақсы мен жаманды қалай талдауға болатынын түсінді. Оқушылар іс-шараға аса қызығушылықпен қатысты.

#дебат #пікірсайыс