19
декабрь
2023
"Сапалы білім" жобасы аясында
"Сапалы білім" жобасы аясында Шымкент қаласы Білім басқармасына қарасты №79 жалпы орта білім беретін мектебінің педагог-зерттеушісі Кучербаева Динара Кучербаевна 6"а" сыныбына "Времена года в поэзии Ф.И.Тютчева" тақырыбында ашық сабақ өткізді.
Кучербаева Д.К. өз сабақтарында сыни тұрғыдан ойлау әдісінің стратегияларын пайдаланды. Бұл әдіс оқушылардың ұсыныс-пікірлерін еркін айтқызып, ойларын ұштауға және өздеріне деген сенімін арттыруға мүмкіндік береді.
Сабақ басында өткенді қайталау " Конверттегі сұрақтар" әдісі арқылы өтті. Динара Кучербаевна сабақтың тақырыбына орай оқушыларды келе жатқан әсем мереке Жаңа жылдың нышаны шырша ойыншықтарын үлестіру арқылы топқа бөліп алды. Сабақтың мақсатынан бастап кері байланысқа дейін сабақтың барлық кезеңінде оқушыларының пікірімен санасып, ойын есепке алып отырды. Білім алушылардың сабақта өздері ізденіп, ойлау мен бірлесіп талдау арқылы білім қорын ұлғайтты. "Күнделік жазу" арқылы кері байланыс жасалды.
Кучербаева Динара Кучербаевнаның ұстаздық ұстанымы: "Баланы таңқалдыруды ұмытпа, даналыққа ұмтылу таңқалудан басталады".
