17
март
2024
17 НАУРЫЗ КҮНІ – "ШАҢЫРАҚ КҮНІ"
17 НАУРЫЗ КҮНІ – "ШАҢЫРАҚ КҮНІ"
Шымкент қаласы білім басқармасына қарасты №79 жалпы орта білім беретін мектебінде «Біртұтас тәрбие» бағдарламасы аясында 14-23 наурыз күндері «Наурызнама» онкүндігі жоспары негізінде 17 Наурыз – «Шаңырақ күніне» орай, сынып жетекшілердің ұйымдастыруымен, отбасы құндылықтарын дәріптеуге арналған, отбасына сыйлы ақсақалдар мен әже- апаларымыздың, көпбалалы аналарымыздың елге, жастарға бақ-береке тілеген, «Наурыз бата» берді.
Бата – халықтың өзімен бірге жасасып келе жатқан ежелгі мұрасы. Бұлар оның рухани өмірінде тұтастық, бірлігін, салт-дәстүрін, адамгершілік қасиеттерін сақтауда ерекше қызмет атқарады. «Алатаудың төбесін көкке тигізіп, Қаратауға құт берекені үйгізіп, ақ бұлақтарды ақтарып, шың құздарды шаттантып, тізбектеніп тырналарды, сүйгізіп сырғаларды, тербелтіп наз қайыңдарды, Самарқанның көк тасын ерітіп, алтын күрекпен жер жүзін жібітіп, тас жүректерді мейіріммен үгітіп жетіп келген әз Наурыз мейрамы құтты болсын!!!».
